Gjatë ditëve të nxehta të verës, të gjithë përpiqemi të pimë ujë të mjaftueshëm, por rrallë dikush i kushton vëmendje marrjes së tepërt të lëngjeve, gjë që gjithashtu nuk rekomandohet. Marrja e ujit varet nga vendi ku jetoni ose nga kushtet klimatike, stina, pesha trupore, shëndeti dhe sa aktiv jeni.

Rekomandimet për marrjen e përditshme të lëngjeve (përfshirë ujin, si dhe lëngjet e tjera të marra me ushqim dhe pije të tjera) janë 3 litra për burrat dhe 2,2 litra për grate, transmeton portal arbres.info

Me aktivitet fizik më të lartë, temperatura më të larta të ajrit, në klimat e lagështa dhe të ngrohta, është e nevojshme të merren sasi shtesë uji. Është e nevojshme të rritet marrja e ujit gjatë shtatzënisë dhe ushqyerjes me gji dhe në disa gjendje shëndetësore (ethe, diarre, të vjella).

Filloni ditën me një gotë mëngjes me ujë (2 dcl) dhe pijeni gjatë ditës. Një gotë me ujë të vakët në mëngjes stimulon tretjen dhe ndihmon në zbrazjen e zorrëve në mëngjes.

Edhe pse është e rrallë të teprohet me ujin e pijshëm, kjo mund t’u ndodhë sportistëve, të cilët do të bëjnë përpjekje për të pirë mjaftueshëm lëngje për të dhënë rezultate më të mira. Sipas portalit Healthline, njerëzit me sëmundje të veshkave, mëlçisë ose zemrës mund të kenë më shumë gjasa të përjetojnë hidratim të tepruar.

Kur një person pi shumë ujë, qelizat në tru fillojnë të fryhen dhe presioni në kokë rritet. Kjo shkakton simptomat e para të dehjes nga uji, të cilat përfshijnë: dhimbje koke, të përzier dhe të vjella.

Rastet e rënda të dehjes nga uji mund të shkaktojnë simptoma më serioze, të tilla si përgjumje, dobësi ose ngërçe të muskujve, presion të lartë të gjakut, shikim të dyfishtë, konfuzion dhe vështirësi në frymëmarrje.

Një nga shenjat që ju po pini më shumë se doza e rekomanduar ditore e ujit është të përziera dhe mund të shfaqen edhe të vjella, konfuzion dhe çorientim.

Shenjat më serioze përfshijnë ngërçet e muskujve ose ndjenjën e dobësisë së muskujve. Mund të ndodhin kriza dhe humbje të vetëdijes dhe në këtë rast është e rëndësishme të konsultoheni me mjekun./arbresh.info/